年青人的「追星」文化

今時今日，有好多「後生仔」都有追星嘅習慣，而筆者亦不例外，因為筆者亦都有追星，筆者近期觀察到，係香港地，後生女仔大部份係追Mirror同Error，而後生男仔 (包括筆者本人) 係追近期爆紅的女團Collar。

2022年，筆者在旺角街道上接受網媒的街訪 (訪問片段)，佢哋有一條問題就係問以前和依家啲追星熱潮有乜嘢分別？其實筆者覺得以前嘅最細係的而且確比較上「癲」，打個例子，喺黃家駒出殯嗰一日，有好多Fans好似發晒癲咁衝去靈車嗰度為咗送別佢哋嘅偶像，雖然依家嘅追星熱潮就比較上「收斂咗」少少，只不過有少部份的瘋狂Fans尤其係Mirror嘅Fans會有時私追佢哋嘅偶像。

筆者曾經都聽過，有一位女仔為咗想見佢心目中嘅偶像，而走去跳樓危站，從而博取佢偶像嘅留意，筆者聽完之後心諗，為咗想見偶像，識唔識做埋呢啲咁戇居嘅嘢？

所以話，追星還追星，總之唔好追到「整壞咗你自己個腦」就得啦。